Vi søkjer ny medarbeidar

Vi søkjer ny medarbeidar i Uskedalen!

Brødrene Hjønnevåg AS ser etter ein ny medarbeidar til produksjonen vår i Uskedalen.

Hos oss blir du ein del av ei tradisjonsrik lokalbedrift som kvar dag lagar kvalitetsprodukt frå havet. Vi produserer blant anna fiskekaker, fiskepudding, røykevarer og andre sjømatprodukt som blir levert til butikkar og kundar over heile landet.

Arbeidet passar for deg som likar praktisk arbeid, er påliteleg, ryddig og trivst med ein variert produksjonskvardag. Du må kunne jobbe strukturert, samarbeide godt med andre og vere komfortabel med fysisk arbeid, rutineoppgåver og noko tunge løft.

Erfaring frå matproduksjon, industri, lager, kjøkken eller anna praktisk arbeid er ein fordel, men ikkje eit krav. Det viktigaste er at du har godt humør, møter presis, ønskjer å lære og har lyst til å gjere ein god jobb saman med resten av teamet.

Hos oss får du god opplæring, kjekke kollegaer og moglegheit til å bli ein del av ei lokal bedrift med lange tradisjonar.

Vi ser etter deg som:

– likar praktisk og fysisk arbeid
– er punktleg, ryddig og til å stole på
– samarbeider godt med andre
– kan kommunisere på norsk eller eit anna skandinavisk språk
– kan jobbe noko kveld/helg ved behov
– gjerne har førarkort, truckførarbevis eller teknisk erfaring, men dette er ikkje eit krav

Høyrest dette interessant ut?

Send oss ei kort melding på Facebook eller epost firmapost@hjoennevaag.com der du fortel om deg sjølv, namn og telefonnummer, så tek vi kontakt med aktuelle kandidatar fortløpande.

Kjenner du nokon som kan passe hos oss? Del gjerne vidare.